24 красавіка 2026 года ў ліцэі адбылася творчая сустрэча са Старшынёй Мінскага гарадскога аддзялення Саюза пісьменнікаў Беларусі, Членам праўлення Саюза пісьменнікаў Саюзнай Дзяржавы, Старшынёй таварыства дружбы «Беларусь-Расія», Заслужаным дзеячам культуры Рэспублікі Беларусь, з пісьменнікам, паэтам, празаікам, публіцыстам Міхасём Пазняковым.
Сустрэча з пісьменнікам была прымеркавана да Сусветнага дня кнігі і аўтарскага права.
На ёй прысутнічалі вучні 10-х і 11-х класаў, настаўнікі.
З вялікім задавальненнем ліцэісты і настаўнікі ўважліва слухалі пісьменніка, пазнаёміліся з біяграфіяй і творчасцю, паглядзелі дакументальны фільм пра Міхаіла Паўлавіча, пачулі вершы, атрымалі адказы на пытанні.
У бібліятэцы ліцэя прадстаўлена юбілейная выстава, прысвечаная 75-годдзю з дня нараджэння Міхаіла Паўлавіча Пазнякова. Мастак слова падарыў кнігі, якія падпісаў словамі: «Самае дарагое – мір, радасць, шчасце ў доме! Шануйце ўсё роднае, наша!»
